Påmeldinga til konfirmasjonsundervisninga for 204-2025 opnar 1. juni kl 16.00 

Påmeldingsfrist elektronisk, innan 1. juli

Innskrivingssamling  onsdag 4. juni kl. 19.00-20.00

For INNSKRIVING TIL KONFRIMANTTIDA inviterer me deg og dine føresette til ei samling der du får meir informasjon og ein liten smakebit på kva du har i vente til hausten.
Tid og stad:        Etne kyrkje onsdag 4. juni kl.19.00            

I tillegg til den digitale påmeldinga ber me om at du fyller ut påmeldingsskjema og tek med på innskrivingssamlinga. Ungdomar som ikkje er medlem er også velkomne til samlinga 4. juni. Om du ikkje er medlem finn du viktig informasjon og skjema her (ETNE).

Totalt skal konfirmantåret ha ca 60 timar med undervisning og andre typar samlingar, inkludert minst 8 gudstenester og fordelt på 8 månader.  

• Tidspunkt for KONFIRMANTSAMLINGANE i Etne kyrkje blir vanlegvis onsdagar straks etter skuletid, eller Kl. 17 når det er behov for å dela i grupper. Me tek omsyn til skuleveg.
• Opplegget for konfirmanttida inkluderer LEIR PÅ BRANDØY, Bjoa 13.-15. februar saman med kyrkje-konfirmantane i Skånevik. 
• Me arbeider med å få gi tilbod om INTERESSEGRUPPER. Det blir meir informasjon på innskrivingssamlinga.

Pris: kr 2200  -  inkl leirhelg, konfirmantfestival på Norheim og materiell til fellessamlingar  + konfirmantfest for konfirmanten.
Avgifta er subsidiert av soknerådet. Dersom økonomi er ei hindring som gjer at konfirmanten ikkje kan vera med, er det mogeleg å be om fritak. Ta kontakt - presten har teieplikt.

I tillegg til presten blir barne- og ungdomsarbeidar Elisabeth Vae Haaland med på delar av konfirmantopplegget. 

Lurer du på noko så ta kontakt!

Med helsing og vel møtt til eit kjekt konfirmantår!

Påmelding til konfirmasjonsundervisning frå 1. juni kl. 16.00

Helsing Kari Vik Stuhaug  tlf. 47 25 35 29

sokneprest i Etne