Kom til Etne kyrkje lørdag 7. sept. kl. 18-20!

Her får du treffa dei du blei konfirmert i lag med i mai 2023 eller 2024 - både frå Etne og Skånevik

Pizza, prat, mingling og mimring, kahoot og leikar.

Av omsyn til mat set me pris på at du melder deg på her:

Påmelding Reunion

HÅPAR DU KJEM!

Elisabeth (Vae Haaland) og Kari prest er med + Gerd Ingunn og Marta

Kontakt med kyrkja? Bli med på kurs!

Soknerådet  inviterer til MILK kurs i Etne kyrkja for deg som var konfirmant i 2023 og 2024, og har lyst til å vera med på meir i kyrkja.

MILK er eit eittårig kurs for deg mellom 15 og 17 år, laga av KFUK-KFUM.

MiniLeiarKurset MiLK er for ungdom som ønskjer å bli kjent med seg sjølv, finna sin plass i fellesskapet og lære å stå opp for andre. 

KURSINNHALD

1. Ver deg sjølv 
2. Stå opp for andre
3. Mange slags leiarar
4. Ungt ansvar, vakse nærvær
5. Makt, kropp og grenser 
6. Leiar på leir
   1. Til vinteren får dei som er begynt på vidaregåande tilbod om å vera  leiarar på konfirmantleir med Kari prest og dei nye konfirmantane på Brandøy, Bjoa. (Dei som går i 10. får det neste år.)
7. Andaktskurs 
8. Gudstenesta og leiarskap

Etter kurset får du eit kursbevis som dokumenterer kva du har vore med på. Kursbeviset kan koma til nytte når du skal søkja utdanning eller jobb.

Første samlinga blir i Etne kyrkje onsdag 26. sept. kl. 19

På REUNION den 7. sept får du vita meir om kurset og kan stilla spørsmål

Marta Onstein og Gerd Ingunn Opdal frå Etne Sokneråd har ansvar for kurset og blir med på REUNION

KRIK - 2. kvar fredagskveld

KRIK er framleis ein plass i kyrkja der du kan møta andre på din alder. Der er mat, leik og konkurranser. 

ETNE kyrkje kl. 20-22 - 2. kvar fredag (motsett av OPEN HALL):

• 6. September 
• 20. September 
• 4. Oktober 
• 18. Oktober 
• 1. November 
• 15. November 
• 29. November 

HÅPAR ME SER DEG!

Volleyballturnering i Skånevik

Dei som var konfirmantar i Skånevik i 2022,23 og 24 vil få innbyding til volleyball-turnering i idrettshallen før haustferien.